من هو George Floyd الذي اشعل الثورة الامريكية

لو انت بتقلب في التايم لاين عادي، وعينك جت على البوست ده، عايز أقولك إن في وقت حياتك، وفي سنة 2020 من كل السنين، أنت بعينيك بتشهد تاريخ العالم كله بيتكتب.. عشان رسميًا، الإحتجاجات على قتل المواطن الأمريكي أسود البشرة "جورج فلويد George Floyd" تحولت إلى ثورة أمريكية شاملة ضد حكم إدارة الرئيس دونالد ترامب Donald J. Trump..

ومش بس ثورة.. لأ.. ده في أخبار غريبة عن منظمة سرية مقنعة من مخترقين معلومات أو الهاكرز Hackers زي ما بيقولوا عليهم، إسمهم أنونيموس Anonymous، ويعتبروا أشهر منظمة هاكرز في العالم، بيهددوا حاليًا بفضح الرئيس دونالد ترامب في قضايا قتل واغتصاب أطفال.. شوف اللينك أهو:

https://gurl.pw/iZjJ

وكمان بيهددوا بفضح جرايم كبرى ارتكبتها قوات الشرطة في مدينة منيابوليس الأمريكية، موطن جورج فلويد.. واخترقوا موقع الشرطة بالكامل.. شوف هنا أهو:

https://gurl.pw/iZjL

ومش بس كده.. عدد كبير جدًا من المتظاهرين تحولوا لمفهوم الفوضوية أو الآناركية Anarchists بمعناها الحرفي، وبدأوا في الإعتداء على المحال التجارية الكبرى، والماركات العالمية، وسرقتها في مدينة فيلادلفيا ونيويورك وغيرها من المدن الأمريكية الكبرى.. بالظبط زي اللي حصل في مصر عند كارفور سنة 2011.. عملية Looting كاملة بيقوم بيها عدد كبير من المواطنين الأمريكيين.. ومش بس السود.. لا البيض كمان معاهم، والهيسبانيك Hispanics.. كل فئات الشعب الأمريكي بتشارك في عمليات النهب دي..

بس كده؟!.. لأ.. المظاهرات إندلعت في حوالي 22 مدينة و ولاية أمريكية، و وصلت للبيت الأبيض نفسه.. دي أسماءهم:

(واشنطن دي سي Washington DC - أتلانتا Atlanta - بالتيمور Baltimore - بيكرزفيلد Bakersfield - بوسطن Boston - شيكاجو Chicago - كولمبوس Columbus - دالاس فورت وورث Dallas Fort Worth - دي موين Des Moines - دينفر Denver - ديترويت Detroit - مقاطعة كولومبيا أكملها District of Columbia - هيوستن Houston - لوس أنجيليس Los Angeles - لويسفيل Louisville - ممفيس Memphis - منيابوليس Minneapolis - نيويورك New York City - فينيكس Phoenix - بورتلاند Portland - ساكرامينتو Sacramento - سان هوزي San Jose)

وخد مصدر أهو بص بنفسك على فيديوهات وصور من كل مدينة:

https://gurl.pw/iZjM

وكمان المتظاهرين خرجوا في مدينة لندن في بريطانيا، وراحوا يتظاهروا قدام السفارة الأمريكية..

ده غير إن في فنانين أمريكيين مشاهير إنضموا للمظاهرات في الميادين، زي آريانا جراندى Ariana Grande و ليبرون جيمس Lebron James وتايريس جيبسون Tyrese Gibson وغيرهم كتير.. والفنانة الأمريكية تايلور سويفت Taylor Swift قالت صراحة إنهم هيصوتوا ضد ترامب في نوفمبر عشان دوره في زيادة العنصرية ضد السود.. 

حتى الفنانة والمغنية العالمية الشهيرة الحاصلة على جوائز الإيمي بيلي أيليش Billie Eillish هاجمت ترامب صراحة على تويتر، وقالتله نصًا:

-"Eat a huge fucking Dick, and choke on it "

مش هترجم الجملة، إنتم أكيد فاهمين.. 

بس كده؟!.. لأ.. الرئيس الأمريكي بدل ما يهدي الأمور، قال إن كل اللي بيتظاهروا هما إرهابيين وأناركيين وبلطجية.. وقال إنهم هيتم إطلاق الرصاص عليهم، وكمان اتخذ قرارات لمحاكمة رفع الحصانة عن منصة تويتر Twitter.. وكمان دعى لتدخل الحرس الوطني عشان يسيطر على الوضع اللي على وشك الهاوية، وبالفعل الحرس الوطني استولى على مدينة منيابوليس اللي هي كانت مسقط رأس جورج فلويد، وفرض سيطرته عليها وعزل حاكم مدينة منيابوليس.. وكان بيشيد بدور الخدمة السرية في قمع المتظاهرين أمام البيت الأبيض..

هل ده كل شي؟!..

لأ.. المدهش بقى، إن كان في توقعات كتير من صحف سياسية أمريكية كبرى، من قبل سنة 2019 إن الوضع في الولايات المتحدة الأمريكية هيوصل لثورة قريب.. مش مصدقني؟!! شوف اللينكات دي 👇

https://gurl.pw/iZjP

https://gurl.pw/iZjQ

● تعديل مهم

: في لفتة إنسانية رائعة، قوات الشرطة في مدينة ميامي Miami الأمريكية بدل ما يقمعوا الناس ويضربوا عليهم رصاص مطاطي أو غاز، أو حتى يضربوهم بالهراوات، إنحنوا على ركبهم وخفضوا رؤوسهم في الأرض تقديرًا للمتظاهرين، وإيمانًا منهم بحقهم وحق الشعب الأمريكي في التعبير عن الرأي والتظاهر.. لفتة إنسانية دفعت الناس الغاضبة للبكاء والدعاء في مشاهد مؤثرة، تذكر العالم بالمعاني السامية التي طالما تكلمت عنها الدولة الأمريكية..

هي دي الولايات المتحدة الأمريكية.. أقوى دولة في العالم، وقائدة العالم الحر، وصاحبة أقوى اقتصاد وسياسية وجيش وإعلام وسينما على الكوكب.. هو ده الشعب الأمريكي المدلل اللي معتبر نفسه شعب الله المختار، اللي بمجرد ما نزلوا الشوارع، بدأوا يسرقوا وينهبوا بدل ما يدافعوا عن بعض وعن بلدهم بسلمية زي ما حصل في الثورة المصرية في 2011.. 

هو ده الرئيس الأمريكي.. قائد العالم الحر.. بيقول على شعبه إنهم هيتضربوا بالرصاص، وبيعلن عن منظمات داعمة للتظاهرات إنها منظمات إرهابية..

عزيزي القاريء والمتفرج.. أنت حاليًا بتشاهد وبتعيش التاريخ نفسه اللي هيتكتب بعد كده في الكتب، ويتدرس للأجيال الجاية.. أول حاجة وباء الكورونا، وتاني حاجة هي الثورة الأمريكية الجديدة..

الشير بتاعتكم مش هياخد منكم ثواني لكن هيساعد في نشر البوست فوق ما تتخيلوا.. ف متبخلوش بدعمكم على المجهود لو شايفينه يستحق ❤